អុញនោះ! និស្សិតមួយរូបចេញមកសារភាពថាខ្លួនរើសក្រុម assignmentខុស ដែលមិនអាចវិលត្រលប់ក្រោយវិញបានឡើយ

កំពុងក្លាយជាប្រធានបទគួរឲ្យចាប់អារម្មណ៍លើបណ្ដាញសង្គម បន្ទាប់ពីនិស្សិតម្នាក់ បានបង្ហោះសារសារភាពពីបទពិសោធន៍ផ្ទាល់ខ្លួន ពាក់ព័ន្ធនឹងការជ្រើសរើសក្រុមធ្វើ Assignment។ តាមការបង្ហោះរបស់គាត់ គាត់បានបញ្ជាក់ថា ការជ្រើសរើសក្រុមលើកនេះ គឺជា “ការសម្រេចចិត្តខុសធំបំផុត” ព្រោះសមាជិកក្រុមមួយចំនួនមិនសូវចូលរួមការងារ ហើយទុកឲ្យគាត់ធ្វើការតែម្នាក់ឯងជាចម្បង។ គាត់បានសរសេរបែបកំប្លែងថា "ចូលក្រុមគេ" គិតថាជួយគ្នា តែចុងក្រោយ

ខ្ញុំក្លាយជាសមាជិកដែលធ្វើតែម្នាក់ឯងគត់

ដែលធ្វើឲ្យអ្នកអានជាច្រើនទាំងសើច និងយល់ចិត្តក្នុងពេលតែមួយ។ ក្រោយពីសារនេះត្រូវបានចែករំលែក មហាជនជាច្រើនបានចូលមកបញ្ចេញមតិយ៉ាងច្រើន ដោយមួយចំនួននិយាយថា “នេះហើយជាបទពិសោធន៍សិស្សនិស្សិតពិតៗ!” ខណៈអ្នកផ្សេងទៀតបានចែករំលែកបទពិសោធន៍ដូចគ្នា។ អ្នកមួយចំនួនក៏បានលើកឡើងថា ការជ្រើសរើសក្រុមល្អ គឺមានសារៈសំខាន់ណាស់សម្រាប់ការសិក្សា ព្រោះអាចប៉ះពាល់ដល់លទ្ធផល និងបទពិសោធន៍ទាំងមូល។ បច្ចុប្បន្ន ប្រធានបទនេះកំពុងតែទទួលការចាប់អារម្មណ៍ និងត្រូវបានចែករំលែកយ៉ាងទូលំទូលាយលើបណ្ដាញសង្គម។